Ang reaksiyon

ENERO 31, 2016: Ikaupat nga Domingo sulod sa tuig

Mga Pagbasa: JER. 1;4-5,17-19/sAL. 71/1 COR. 12;31-13:13/lK. 4;21-30

Tutok kaayo ang mga tawo nga naminaw sa atong Ginoo sa dihang siya nisulti ug nagwali apan sa dihang nadungog nila ang iyang maisugong paghukngay gumikan sa ilang kawala’y pagtuo, ang kanhiay nga focus sa pagpaminaw ang napulihan na man hinuon og kaligutgot ug kalagot nga tungod niini buot nila siyang ihulog o itambog sa pangpang. Apan kay dili pa man niya panahon, miagi siya sa ilang atubangan ug mibiya. Ingon ini usab ang kinabuhi natong mga tawo. Usahay buot lang nato hangupon ang buot natong dawaton ug hangupon ang nahimo kitang allergic sa bisan unsa nga di ta kauyon. Apan bisan pa man kun di kita kauyon, nan, mamahimo kitang modawat na  lang niini kun buot kitang mamahimong gawasnon.Si Jesus nahimong gawasnon tungod kay nibuot man siya nga bisan ang rejection nga nasinati gikan sa mga tawo.