Ang pag-inom tubig sa butong

Suwerte kaayo kadtong nanimuyo sa probinsya, kay daghan sa tugkaran o sa kasikbit nga lugar, halos may mga punoan sa lubi. Dali ra makasungkit og mainom nga tubig sa lubi, ilabi na kanang sagbay-luwag o butong. Makaayo ni imnon gumikan sa mga benepisyo’ng mahatag sa panglawas, sama niini;

* Pagpalig-on sa sistima sa imyon (immune system) — Ang pag-inom ini kada adlaw, mopakusog kini sa imyun nga santaon o batokan ang mga makadaut nga mosulod o motapot sa lawas, aron puy-an kini nga mahimo’ng masakiton. Kun masakit man, dali ra sab mamaayo tungod sa kalig-on sa imyun.

* Aktibo ug maabtikon nga puno sa inerhiya — Maghatag ni’g perming suplay sa inerhiya, ang tubig sa lubing mainom. Mamintin ang normal nga lebel sa mga selyula nga modepensa sa lawas nga di matay-og sa kaluyahon. Ig-inom mo ini, diha-diha bation ang kagaan pamation sa lawas, ingon sa nagtunob ka’g kutson o ‘springboard’, mora’g kaluparo’ng sayon makalihok nga way kahasol.     

* Kalmado nga nindot ang pamatyag sa lawas — Ang tubig butong, mopawagtang sa kasakit o sa mga toksins. Makapaalibyo ni sa kidney o mopahilis sa bato, nga limpyohan sab permi ang pantog, aron matarong ang pag-ihi. Mopalig-on sab ni sa sistma sa pagtunaw (digestive system).

*  Pagamay o pamenus sa timbang — Makapugong sa pagpatuyang sa kaon. Labina og ubanan permi og pag-ehersisyo.

      * Makapaalibyo sa labad o sakit sa ulo — Labi na ang hinungdan nga taas ang presyur sa dugo o kaha tungod sa kakulang sa tubig ang lawas. Natural nga ‘elixir’ ang tubig sa lubi nga may ‘electrolyte’ nga mopabalanse sa mga ‘nutrens’.

* Makapabatan-on — Molab-as ang panit nga hamison, aron mamintin ang kabatan-on. Igo na ang 1ka tasa imnon, nga makatagbaw sa imong kauhaw.