Si David at Senator Grace Poe

NILAGLAG nang tuluyan ng COMELEC si Rizalito “Lito” David, lagapak siya assessment dahil ‘nuisance’ candidate kaya hindi siya uubrang tumakbo bilang panggulo este mali pangulo pala sa May 2016 presidential election.

Sabi nga, aguuuy, aguy, aguy. Hehehe!

Ibinulong ng mga asset ng mga kuwago ng ORA MISMO, na sangkaterba ang nagpapalakpakan at naglulundagan sa nangyari kay Lito sa COMELEC dahil ito ang diumano’y tinik sa anak ng Panday.

Kung tutuusin si Sen. Grace Poe, ang tunay at seryosong kandidato sa pagka-pangulo at uupo sa trono dyan sa Malacañang kapag nagkataon!

Sabi ng mga asset ng mga kuwago ng ORA MISMO, nakakatuwa si David dahil hindi lang matindi ang fighting spirit niya kundi talagang maamoy mo na may pinaliliguan este mali pinaglilingkuran pala siya.

Ayon sa mga asset ng mga kuwago ng ORA MISMO, kung sino man ang ‘handler’ niya siya lang ang makakasagot?

Sabi ng mga asset ng mga kuwago ng ORA MISMO, hindi naman siguro madlang crowd ang nagtulak kay David na sampalin este mali sampahan pala nang kaso sina Poe at Davao City Mayor Digong Duterte?

Ibinulong ng mga asset ng mga asset ng mga kuwago ng ORA MISMO, na iisa sila ng abogado ni dating Sen. Kit Tatad, na diumano’y dating mouthpiece ni Apo Marcos, ang diktador?

Naku ha!

Totoo kaya ito?

Ayon sa kuento ng mga asset ng mga kuwago ng ORA MISMO, si Tatad, ay sinasabing isa sa mga diumano’y utak ng batas militar na naging dahilan umano nang hindi mabilang na paglabag sa karapatang pantao ng madlang people sa Philippines my Philippines during Apo Marcos dictatorship.

‘Karamihan sa mga na-torture, nakulong at nawala ay napagbintangan lang na kalaban ng gobyerno ni Apo Marcos noon.’ sabi ng kuwagong nilinlang.

Sa background ni Tatad, hindi kapani-paniwala na talagang purely legal ang layunin nito kung bakit gusto nitong mawala sa karera ng pagka-pangulo si Sen. Grace Poe.

Hindi naman natin sinasabi na si Tatad ang diumano’y nagpakawala kay David?

‘Hindi naman malabo itong mangyari dahil dati umano niyang staff si David.’ sabi ng kuwagong political prisoner.

Sa palagay ng mga asset ng mga kuwago ng ORA MISMO, kung tutuusin mukhang biktima rin diumano ng sirkumstansya itong si David?

Bakit?

Sagot - dahil sa kagustuhan nitong maging pulpol este mali pulitiko pala at makasungkit ng mataas na puesto...noon sa Senado pero ngayon naman sa Malakanyang.  Kaya dumidikit ito kung kani-kanino at sa bandang huli, hindi rin naman umano siya kayang mai-paglaban ng kung sinuman ang “backer” niya?

Naku ha!

Totoo kaya ito?

Kantiyaw ng mga asset ng mga kuwago ng ORA MISMO,  hindi lang siya na windang sa pagka-presidente, naiiputan este mali naiikutan pa siya ng mga kontrobersyal issues regarding sa tunay na layunin niya ng paghahain ng mga kasong diskwalipikasyon.

‘Dapat mag-isip na itong si David. mukhang matalino naman kaya lang medyo hindi lang niya nagagamit nang husto?’ sabi ng kuwagong mangangatiyaw.

Abangan.

“Cayetano mag-inhibit ka!”

IKINATUWAng mga asset ng mga kuwago ng ORA MSMO, ang desisyon ng Senado na muling buksan ang Mamasapano massacre case sa dara­ting na Enero 27. Ang reopening ng imbestigasyon ay ‘request’ ni Minority Leader Juan Ponce Enrile, at dahil na rin sa mga bagong ‘impormasyon’ ng senador sa insidente na ikinasawi ng 44 miyembro ng Special Action Force.

Ayon sa mga asset ng mga kuwago ng ORA MISMO, may mga akusasyon ang naglulutangan na diumano’y  gagamitin lamang ito ng mga tumatakbong senador para magpapogi at makakuha ng boto sa darating na eleksiyon?

Naku ha!

Totoo kaya ito?

Hinuhulaan ng mga asset ng mga kuwago ng ORA MISMO, na maraming epal ang susulpot sa gagawing re-investigation nang kaso at kailangan daw mag-inhibit ang mga magsisitakbo sa May 9 elections para hindi magamit ang gagawing pagdinig para sa personal na interes.

Sabi ng mga asset ng mga kuwago ng ORA MISMO, tiyak si Senator Alan Cayetano ang diumano’y e-epal sa imbestigasyon?

Ayon sa mga asset ng mga kuwago ng ORA MISMO, na nakakatiyak sila diuamno’y sasamantalahin ni Cayetano at diumano’y e-epal at gigimik nang todo para mapansin at mapag-usapan lang sa media?

Naku ha!

Totoo kaya ito?

Sabi ng mga asset ng mga kuwago ng ORA MISMO, unang umepal si Cayetano nang manawagan na mag-inhibit daw dapat ang presidential bet at kapwa senador na si Grace Poe, na siyang nanguna sa Mamasapano probe last year.

Sabi nga, ang kapal dapat siya ang mag-inhibit.

‘Nakita na kasi kung papaaano gamitin ni Cayetano ang Senate investigation halos hindi na niya bitiwan ang mikropono para lang makapagsalita nang tuloy-tuloy at diumano’y nanghihiya o nang-iipit pa ng mga invited na resource persons. Sa pagtatanong pa lang ni Cayetano sa mga humaharap sa Senado, parang guilty na kaagad ang kanyang pagtrato?’ sabi ng kuwagong inargabiado.

Ayon sa mga asset ng mga kuwago ng ORA MISMO, masiadong kontrobersiya diumano si Cayetano.  Kung titingnan ang kanyang record, magugulat ka kasi, halos lahat na yata ng kanyang mga kasamang senador diumano’y nakabangga na niya?

‘Makabubuting manahimik na lang si Cayetano sa gagawing Mamasapano hearing. Sa kanyang gagawing pananahimik, baka makakuha pa siya ng simpatya sa publiko kaysa naman umepal pa sa Mamasapano probe.’

Abangan.