Kun ma-presidente si Duterte

Ang guwatsinanggo nakong amigo nangutana nga kun ma presidente si Mayor Rodrigo Duterte, pila kuno unya ang ang atong First Lady?

First Lady No. 1; First Lady No. 2, First Lady No. 3? or 1st Lady, 2nd Lady, or 3rd Lady. Mahimo sab nga human ma officially acknowledge ang First Lady, mahimo kuno nga dunay 1st Runner Up Lady, 2nd runner up Lady. Mga pangutana nga lisud tubagon. Atong matubag tapos sa election, inigka presidente na ni Duterte.

Unya, nangutana sab ang guwatsinanggo nakong amigo nga kun si Senador Grace Poe Llamanzares ang ma presidente, mahimo ba kuno nga ang First Gentleman usa ka American Citizen, diin ang mga anak pulos pud mga American citizens?

Mahimo tingali uy! Wa man tingali magbuot ang atong Constitution nga kinahanglan Filipino citizen gyud ang mahimong First Gentleman o First Lady.

Sa ato pa, kun ma presidente si Grace Poe, dili man tingali unconstitutional nga ang First Gentleman usa ka foreigner. Whatever, “let us to wait and see,” sa mga tambay pa.

* * *

Si House Speaker Sonny Belmonte namahayag nga sa Lower House dili nila buksan pag-usab ang Mamasapano investigation. Matud niya: “We don’t have any plans to reopen the Mamasapano probe. There are too many bida (protagonists) already.”

Apan sa Senado, buksan nila ni Senador Grace Poe ang maong imbestigasyon, pinasikad sa awhag ni Senador Juan Ponce Enrile. Nalipay kaayo si Poe niining maong development, isip chair sa committee on public order. Ilang i-reopen ang imbestigasyon kay posible kuno nga adunay mga bag-ong ebidensiya.

Si Rep. Jerry Treñas namahayag nga: “The Senate is flogging a dead horse when it decided to reopen the Mamasapano probe, instead of moving on and letting the lessons of Mamasapano guide them. Clearly this is a political gimmickry.”

Sa iyang bahin, si Rep. Rodito Albano sa Isabela, sa iyang pag-uyon sa gipahayag ni Trenas namulong nga:  “It’s opening old wounds.”

Matud ni Belmonte nga “It is politically motivated because they are just going to rehash the whole thing with new politically inspired perspective. No real new evidence.”

May pagka-undanon ang ilang mga pamahayag kay unsa man tuod ang atong mapaabot ning pagbukas sa Mamasapano probe? Nagduda kita nga ang tuyo niini mao nga mabuksan pag-usab ug mabuhi ang kasuko sa mga tawo kang Presidente Aquino, kinsa maoy gipasanginlan sa oposisyon nga maoy culprit sa Mamasapano massacre.

Anyway, tingali og duna gyuy mga bag-ong ebidensiya. Huwat lang ta!