Diha sa kamingaw sa panaw

Matag uli padung sa Tabuelan, ako gyung maagian ang mamingaw nga dalan bugnaw ilawom sa landong sa mga mahogany nga kahoy nga naglinya sa kadalanan. Nahinumdom na nuon ko sa Twilight Saga nga salida. Hinuon wala pa may bampira nga misakdap tingali kaha kay di ko yummy sama ni Alden Richards. Wala si Yaya Dub apan kun ugaling makina sa multicab mopalyar seguro gyung magdabdab aron dili sa kangitngit magsukarap. Ingon ana ang kinabuhi usahay mingaw ug gani laay ug puol labi na kun motingog lang ang imong cellphone kun mga tawong giutangan kanimo maningil na. Apan ang maong kamingaw dili man tuod hisabtan sa kadaghanan apan gikinahanglan aron makita mo ang imong padulngan aninawon ug pamalandongan kun ang dalan nga imong gisubay mao pa ba ang dalan nga angayan mong pakamatyan. Ang mahinungdanon ang tawo gawasnon ug paagi sa pagbansay sa imong kagawasnon mao man ang pagpuyo sa kinabuhi nga tarong ug balaanon.