Mga remedyo sa barikos (1)

Sa surbi sa tibuok kalibutan, 25% sa mga babaye ini, aduna'y barikos. Gitumbok sa mga eksperto, nga sagad sa mga hinungdan niini matud pa, mao nga may posibilidad nga 'genetic' o kaliwat. Maingon sab kanang sige’g barug nga, labi na'g tambok o subra sa timbang, mapresyor ang kaugatan, mapasmo sa kusog nga molugwa ang mga ugat nga morag gidibuho sa panit nga porma’g pinuy-anan sa kaka (spider web). Ang barikos epekto sab kini sa sigi'g tumar sa 'pills', kausaban sa 'hormone' sa pagmabdos ug sa nag-'menopause'.

Mahal ug gastoso kaayo ang medikal o pag-opera ini. Mentras tanto, sulaye ning pambalay nga remedyo, aron pagmenus sa kahasol sa imong gipamati, nga mosiaw ang grabeng panakit ini sa panahon kanus-a mopahulay na kita.

* Apple Cider Vinegar — usa ni ka pagkaon o 'alkaline food', nga mopabalanse sa 'body PH' sa lawas, maingon sab makatabang ni nga mamaayo ang pagtuhop sa mga nutrens. (1) Ang 1ka baso sa init nga tubig, butangi'g 1ka kutsara sa 'Apple Cider Vinegar'. Imna kini nga inanayon, 1ka oras sa di pa matulog. Buhata ni kada adlaw. Kun di ka ganahan, pwede sab motumar og ACV tablet pero pakonsulta una’g doctor…(2) Mahimo sab ni'ng imong ihaplas sa nanakit nga barikos, kada gabii sa di pa matulog.

* Puli-puliha ang tubig —  init (hot) ug bugnaw (cool)..(1) Pag-andam og 1ka balde sa igo'ng maagwantang tubig init… dayon ibabad ang tiil sulod sa 3mins..(2) Unya, ibabad na sab sa balde'ng may tubig inadlaw o bugnaw (cool) sud sa 10-60 segundos.  Buhata ni kada adlaw… kaduha ngadto katulo kabeses.

* Black Strap Molasses — dasok ni sa 'iron' nga gituohan makatabang sa pag-alibyo sa panakit sa barikos. Makatabang sab ang sangkap ini's 'hemoglobin' (pula'ng dugo), nga ihatud ang 'oxygen' gikan sa baga ngadto's mga selyula.