Banay

Disyembre 27, 2015: Pangilin sa balaang banay nila ni Jesus, Maria ug Jose

Mga Pagbasa:1Sam. 1;20-22,24-28/Sal. 84/1Jn. 3;1-2,21-24/Lk. 2;41-52

Kasagaran himoon sa parokya ang Family Day  niining maong pangilin. Mao nga mga nagkadaiyang mga religious organizations ang magdala og mga contribution labina sa pagkaon, kay lagi Family Day. Apan ang tanan dili lang kutob sa pagkaon ug sa lingaw lingaw kay kining tanan, externals lamang. Maingon nga ang tinud-anay nga pangulo dili masukod diha sa iyang pagpunay og pasiatab sa iyang mga laraw nga bunga lamang sa iyang duhiraw o dili ba kaha resultado sa jet log gumikan sa iyang paglaag-laag. Maingon nga maglisud ang ginikanan diha sa ilang pag-atiman sa ilang banay kun sila more than out than in maingon man ang si bisan kinsang pangulo nga walay immersion mismo sa iyang panon o sa iyang ginsakpan. Ang tanang panginahanglan mahimong dili matubag kun ikaw halayo ra sa aktwal nga kasinatian. Mao nga diha sa banay mahinungdanon kaayo ang panagkuyog uban niini ang dakong tinguha nga mamahimong sama sa balaang banay nila ni Jesus, Maria ug Jose.