Pasko dili December 25

Matag saulog nato sa Pasko, daghang mga artikulo ang manggawas sa mga mantalaan, ug dad-on sa broadcast media, nga ang tukmang petsa sa pagkatawo ni Jesus, dili gyud December 25.

Gidasonan kini ni Fr. Bel San Luis, SVD, sa iyang column sa Manila Bulletin, nga matud niya: “Strange but true …. December 25 is not the real date of Christ’s birth.”

Kanus-a ug unsa man gyud ang exact date nga pagkatawo sa manunubos? Walay nasayud. Bisan ang mga historians pulos lang banabana.

Imposible kuno nga natawo si Jesus panahon sa tingtugnaw, December 25, tugnaw kaayo ni sa Jerusalem, ug ma-frozen to death kuno ang Batang Hesus nga giputos lang og “swaddling clothes” sulod sa tugnaw kaayo nga langub.

Ug niining panahona, niining gitawag nga “winter solstice, shepherds couldn’t be out in the fields watching their flock by night.” So, walay magbalantay sa mga karnero ang nangahas paggula gikan sa ilang mga panimalay, gumikan sa tumang katugnaw.

Banabana sa mga historians, lagmit natawo si Jesus during summer, sa ato pa, ting-init, either sa mga bulan sa Mayo o Abril. Or early Autumn, sayo nga tingtugnaw, sa September o October.

Kun mao, imagine kuno, magsaulog kita sa Pasko sa ting–init, tapus sa Kwaresma. Walay snow. Walay berde nga mga Christmas tree. Hinoon, dungan-dungan sa April Fools Day o sa Flores de Mayo.

Anyway, nasayod ang Simbahan niini. Ug alang nako, walay kahigayonan nga usbon ang petsa sa Christmas Day. After all, wala may hingpit nga nasayod unsa gayud ang tukmang petsa pagkatawo ni Jesus.

Apan, kining walay klaro nga petsa sa Pasko, wala kini magpasabot nga walay Batang natawo niadtong panahona, gitawag og Emmanuel. Ang mga Kasulatan nagmatuod, ug walay mipanghimakak ug milalis niini … nga natawo gyud ang Manunubos.

Imagine kun walay Pasko … walay Crucifixion ug Resurrection … walay Easter Sunday, ug walay Salvation. Ug walay life after death, diin ang kamatayon gibuntog ni Jesus sa Iyang pagkabanhaw. Mag-unsa na man lang ta? 

Apan, nganong na-December 25 man ang Pasko? Giingon dinhi nga ang Dec. 25 maoy gi-adopt sa Simbahan nga pagkatawo ni Jesus, dungan sa pagsaulog sa Roman feast sa adlaw pagkatawo sa ilang gitawag nga Unconquered Sun.

Ug si Jesus, sa Iyang pagkatawo, giisip nga mao ang Unconquered Sun, “who came to dispel the darkness of a world held captive by sin and ignorance.” So, there you are. Merry Christmas!