Kun ang atong imyun sa lawas o ang 'immune system' nato huyang ang depensa, dali ra kita maapektahan nga maglabad ang ulo, mura'g gisubawan nga may nagtubod nga tubig sa ilong, o kaha atsehon kanunay unya may ubo nga morag gikan ra's tutonlan. Usahay manglabhag ang panit sa grabeng kakatol.
Mao kini ang sagad nga mga sintomas kun kita gi-'allergy'. Kun unsa sab ang mga hinungdan niini, kalagmitan tungod kini sa nahanggap o nahingos nga toksik sa hangin nga may abog o aso o isog nga baho sa mga kemikals ug ang kainit nga natandang sa adlaw. Bisa'g tambal adunay mga makapa-'allergy'.
Unsa ma'y angay buhaton ini? Naa hinuoy madali-dali sa pagpalit og tambal nga 'anti-allergy' sa botika. Apan mas maayo moadto dayon sa doctor, kay basig mograbe ang komplikasyon ini. Hinuon aduna ni dagha'ng mga remedyo sama sa
* Ang 'Saline spray' — Kun magping-ot ang ilong, permi giatse nga labad ang ulo, imo lang kini i-spray sa ilong. Aron molimpyo o moluag nga komportable ang pagginhawa nimo. Kini matud pa ni Dr. Robert Graham, MD, usa ka 'internist' ug 'integrative medicine specialist', sa Lenox Hill Hospital, New York.
* Pwede sab magpabukal og tubig, unya ihuwad sa 'soup bowl' o panaksan, nga patud-an og 'essential oils' sama sa 'eucalyptos' o 'lavender'. Mahimo sab butangan og mga dahon sa kalabo (oregano) o 'dahon sa peppermint', nga hanggapon ang alisngaw niini. Magtuob ka'g tualya, aron matuhop pag-ayo ang gihingos, ngadto sa 'sinus' nga hawanan ang nakabalda sa ginhawa.
*Pwede sab moinom o mukaon nga may dugos sa putyokan o 'honey'.
* Mag-inom kanunay sa pinabukal nga dahon sa lagundi.
* Mas makaayo gayud nga motumar permi sa natural nga 'Spirulina Filipina capsule'….nga usa kini ka 'brain booster' ug 'immune system booster.'