Ang no Bio, no Boto
Mihulga ang Commission on Elections (Comelec) nga dili madayon ang piniliay sa Mayo 9 sunod tuig, kun ugaling dili libkason sa Korte Suprema ang Temporary Restraining Order nga gipagawas niini batok sa ilang No Bio, No Boto policy.
Kini tungod kay maglisod na, ug wala na silay panahon sa pagpangandam ug sa pagbalik sa mga pangalan sa mga botante nga ilang gitangtang sa listahan human mapakyas sa pagpa-biometrics.
Para nako husto ang Comelec. Ang Comelec wala masayop sa pagtangtang sa lista niadtong mga tawo nga wala magpabiometrics kay ang maong mga tawo wala’y plano nga mobotar sa piniliay.
Kay wala sila’y plano nga mobotar sunod tuig, dili sila angayan nga pugson sa Korte Suprema.
Ang Comelec wala magpabaya sa ilang trabaho ug sa pagpahibalo sa katawhan sa pagpa biometrics aron sila makabotar sa eleksyon.
Gani, ila pa nga giadto ang mga barangay ug gipadul-an ang katawhan alang sa pagpa-biometrics, pero ang uban wala gayud mosanong busa, kadtong mga wala mosanong, dili na nila mapakasala pa ang commission.
Dili makatarunganon nga tungod lang sa uban nga walay laraw nga mobotar sa eleksyon, idamay ang uban nga interesado nga moboto. ([email protected])
- Latest
