Kun ma-elected si Bongbong
Ang unang buhaton ni Senador Bongbong Marcos kun mapili pagka-bise presidente, mao nga iyang pakigkitaan ang bag-ong presidente ug mopresentar sa iyang kaugalinogn pagtabang sa bag-ong administrasyon nga magkauliay ug magkahiusa ang atong lider alang sa kauswagan sa nasud. Matud niya, “next leaders should heal political wounds.” Bitaw, usa sa mga hinungdan ngano nga wala gayud mouswag kining atong nasud mao ang kanunay natong panagsangka, panagbingkil ug pagdumtanay gumikan sa politika.
Ang politika sa atong nasud, maoy atong i-pamahaw, i-paniudto, ug i-panihapon. Usahay, i-midnight snacks pa. Unsaon nato pag-uswag niini? Dinhi lang sa ato, dili gyud magkasabot ang konseho ug ang executive department.
“We must heal the wounds that were opened during the campaign,” nagkanayon si Bongbong. Mahimo kaha ni sa atong mga leader?
* * *
Karon, nag-una na sa mga survey si Mayor Rodrigo Duterte. Ma-translated kaha ni into votes? Akong tan-aw, posible. Kun mudaog si Duterte, una kining higayon nga mipili kita’g presidente, dili gumikan sa kuwarta, dili gumikan sa partido, dili gumikan sa popularity, ug dili gumikan sa pagka-traditional politician, kondili, gumikan sa pagsalig sa katawhan nga siya ang makahimo’g tiunay nga kausaban sa atong nasud.
Siya unya ang unang presidente nga taga-Mindanao. Ang una nga presidente nga ang katawhan mismo maoy nag-aghat pagpalansar, unang presidential candidate nga gi-endorse sa katawhan, lahi sa ubang mga kandidato nga sila mismo ang mipresentar sa ilang kaugalingon nga magpapili. Mga kaila ug mga amigo nakong taxi driver, mga security guard, ug mga yano nga mamumuo, Duterte kuno sila. Sa ato pa, ang masa.
Ug mao kini ang wala ni Mar Roxas, wala siya’y mass appeal. Wala unta’y corruption issue si Mar, ug dili ma-question ang iyang kahibawo ug katakos pagpangagamhanan. Apan, dili man mo-smile, ug di kamaong magkinamot mokaon.
* * *
Sa usa sa iyang mga column, si Anol Mongaya, mipahinumdom kanato sa 2013 elections diin si Senador Grace Poe, mihingalan kanatong mga Sugbuanon nga mga tikasan gumikan sa pagkapilde sa iyang amahan.
Wala kini hisgoti sa 2013 elections, tungod kay gidala si Poe both sa administration ug opposition parties. Apan karon, lahi na, kandidato na siya pagka-presidente.
“In her Cebu sorties so far, she has glossed over the fact that once upon a time she called us, Cebuanos, cheats,” matud ni Anol. Iyang gipasabot nga ang nagpaluyo ni Poe mao ang kang Danding Cojuangco nga NPC, “and we all know who Danding was during the Marcos dictatorship.”
- Latest
