Ang lana sa lubi (3)

Wala’y wa makaila sa lubi, kay halos tanang suok sa kaislahan sa atong nasud nga Pilipinas, nanguhong ang mga punoan sa lubi, kay dugay nang panahon nga nakatabang ni sa ilang pagpakabuhi. Moabot man ang kanihit, kadangpan kining mosalbar sa panginahanglang personal sama sa kauhaw, pagkaon ug uban nga kagamitan sa panimalay, silhig, pang-atop, paghimo’g kapuy-an ug uban pang batakan nga kapuslanan sa usa ka punoan sa lubi.

Apan sa kabag-ohang kalamboan sa dugang mga benepisyo, alang sa pag-alibyo sa unsa mang mga kakulian sa panglawas, daghan pang wala mobilib ini. Apan daghang mga doktor nga kombensyonal o tradisyonal nga hugtanong nagpraktis nga may kombinasyon sa natural nga medisina sa pagpanambal nila.

Sumala pa ni Dr. Fipe, didto sa Amerika, daghang doktor ang sekreto nga gigamit ang lana sa lubi o ‘VCO’ sa ilang kritikal nga pasyente. Kay nasulayan na nila ang kaepektibo ini sa mga mabug-at nga balatian. Ngano ni gisekreto, tingali dili pa kini hingpit nga nakompirmar sa mga sakop sa kahugpongang medikal.

Sumala pa sa mga praktisyonir nga nakasulay na niini, gihimo sab ni nila isip nga ‘natural antibiotics’, ‘antiviral, ug anti-bacterial. Nga nakatabang sa pagpahiyos sa almoranas (hemorrhoids), ulser, pagpagawas sa toksik (detoxifier), pagpanglimpyo sa lawas (body cleansing), gastraytis (panakit sa tiyan), konstipasyon (tubolon), pampatunaw sa kinaon (digestions). Dali ra ka kahilisan kay ubos o gamay ra ni’g kaloriya, nga di motaas ang lebel sa koleterol. Busa, sayop ang pagtuo sa uban nga kuno, kini makadaut sa kasingkasing.

Luwas kini gamiton, di sama sa mga ‘formulated o synthetic medicines’ nga mokomplikar og laing sakit.

Aron kita makombinsido, sulayan ug obserbaran sa kaugalingon, aron pagtino kun unsa ni ka milagroso’ng lana sa lubi o ang ‘VCO’.