Mr. Barangay

BRGY POBLACION WEST, MOALBOAL, CEBU

“Amo lang ireklamo ang karsada diri sa Sitio Pooc nga subra na kaayo kaguba lisod na kaayo agian sa mga sakyanan unya dugangan pa aning mga nagpatakag parking sa ilang mga sakyanan. Hinaut nga maatiman dayun kini sa mga opisyales namo sa barangay ug lungsod.”

BRGY QUIOT, CEBU CITY

“Ngano man ning problema sa kriminalidad sa among barangay lisod man sulbaron labi na ang kabahin sa illegal nga drugas nga unta duol ra man unta ni sa police station 10 ang among lugar labi na ning diri sa back Japper dapit.”

BRGY SIMALA, SIBONGA, CEBU

“Hapit na mag-usa ka tuig Sir Jun human maputol ang taytayan diri sa Sitio Dumlog pero hangtod karon wala man gyud mapaayo igo ra man gibutangan og temporary. Naunsa na man tawun ning atong administrasyon karun.”

BRGY BAGALNGA, COMPOSTELA, CEBU

“Moreklamo lang unta mi sa karsada diri sa Sitio Dikyop nganong wala man ipatrabaho nga daghan na man ang nakakita sa kalisod nga agian ang maong karsada."

BRGY PAGSABUNGAN, MANDAUE CITY

“Diri dapit sa sentro sa Pagsabungan duol ra gyud sa barangay hall wala man gyud aksyoni ang mga batan-on nga mag tapoktapok matag gabii pwerte ra ba gyung sabaa."

BRGY DAY-AS, CEBU CITY

“Pwede ba mi magpatabang aning problema diri sa Bagong Dalan atbang gyud sa buhatan sa DEPES Cebu City Division naay balay diha likod sa autogas gas station nga gihimo mang suyopanan magpabayad sila’g tag 5pesos matag tawo sa gustong mosuyop.”

BRGY SAMBAG 1, CEBU CITY

“Maayo unta’g magpakabana o molihok nang mga opisyal namo sa barangay  labi na diri sa Sitio San Roque likod gyud sa condominium kay daghan kaayong mga basura nga nagtipun-og baho na kaayo."

BRGY CURVA, MEDELLIN, CEBU

“Sir Jun wala man gyod ni tagda sa mga opisyales namo sa barangay ang among basketbolan nga mag sige man unta sila’g agi diri. Pwerteng batia sa ring wala gyud ilisi unta hasol pa gyud kaayo sa mga magduwa’g basketball kay naa man sila sa may tunga sa karsada magduwa kining diri sa Sitio Sta Cruz.”

BRGY GUIMBANGCOAN, SIBONGA, CEBU

“Ang karsada diri libaongon kaayo lisod na kaayo kaagian sa mga sakyanan labi na sa mga motorsiklo. Igo ra moingon ang among mga opisyales sa barangay nga dili sila kaatiman sa problema kay usa kini ka provincial road pero naay usa ka tawo diri nakahimo lagi siya’g pagpaabuno sa mga gubaon nga karsada.”

BRGY ANONANG NORTE, BOGO CITY

“Ngano man ning mga opisyales namo diri sir labi na sa among kapitan wala man gyud molihok para mapaayo ang barangay hall adto pa ning panahon sa Yolanda naguba pero hangtod karon napasagdan ug nalimtan na lang sa pagpatrabaho.”

BRGY LABOGON, MANDAUE CITY

“Naunsa  na man ning among barangay hall wala may tawo usahay  way makaatiman  sa mga tawo nga maglukat unta og barangay clearance."

Alang sa inyong mga reklamo text lang sa 09062973166