Tax credits ug tax deductions

Ang discount nga gihatag sa mga private establishments ngadto sa mga senior citizens ubos sa orihinal nga Senior Citizens Act sa 1992, actually, was shouldered by the government.

Kini tungod kay ang maong mga discount ma-recover man sa mga pribado nga balay-patigayon pinaagi sa tax credit.

Apan, ang Senior Citizens Act of 2003 miusab niining maong lagda. Inay nga tax credit, ang ma-claim sa mga establishments, tax deduction na lang. Unsay kalainan niini?

Si Dean Andy Bautista sa Philippine Star, mihatag niining distinction: “Tax deductions reduce the taxpayers’ income. In contrast, tax credit directly reduces a person’s taxes and may even be refundable.”

Sa ato pa, sa tax deductions, us-osan ang kita’ (income) sa mga magbubuhis, samtang sa tax credit, direkta nga us-osan ang bayranan sa buhis ug mahimo pa nga mabayran, i-refund.

* * *

Ambot unsa’y nahitabo sa gi-propose nga ordinansa ni Cebu City Councilor Gerry Carillo nga mag-require sa mga negosyante pag-hire og mga senior citizens sa ilang mga establishments?

Atong nasayran nga ang gisugyot nga ordinansa wala makasugat og pagsupak gikan sa ubang sakop sa konseho. Nindot ni.

Daghan kaayong senior citizens nga professional ug kun mahimo pa sa panglawas, qualified kaayo nga mohupot pa og katungdanan sa mga buhatan o sa mga patigayon.

Kun maaprobahan kining mao nga ordinansa, pananglitan aduna’y 10 ka empleyado ang usa ka buhatan, usa niini senior citizen. I hope nga dili ‘sab janitorial.

`Sa atong pagsulat niini, wala pa kita masayod kun unsa ang nahitabo sa gi-proposed nga ordinance.

* * *

Secrets of old age. Si Betty Jacinto-Lopez sa Inquirer, misugyot niini:  Let God handle your life, let the doctors handle your body, and be in charge of your moods. Stop anger. Keep your words light and gentle.”

Sayon ra kaayo ning buhaton. Kana, kun hugot ang imong pagtuo ug pagsalig sa Ginoo. Konsulta sa doctor, ug ikaw ang magbuot sa gusto nimo nga buhaton ug bation, dili ang imong passion ug emotion.

Kun mahimo ayaw kasuko, ayaw paglagot. Kita ra ba nga mga senior citizen, saputon na kuno kaayo ug luoran. Daghan baya ‘sab kaayo ang mga senior citizen nga kalmado kaayo.

Sa giingon dinhi, gentle ug soft-spoken. Sila maoy atong himoon nga panig-ingnan. Matud ni Letty, running water does not flow back.  Mao usab ang kinabuhi.

Live with gratefulness, continue to pray, dance, sing, laugh, read and learn. Sa laktud nga pagkasulti, ayaw pagmika. Lihok gyud.