Survey

Kun magkahiusa ang mga senior citizens sa tibuok nasud, kun mag-usa kita sa atong mga hunahuna ug mga paghukom, makapadaog kita og presidente. Imagine, kapin na kita sa 8 milyones ka seniors sa tibuok nasud.

Of course, imposible kaayo nga managsama ang atong mga baruganan sa politika. Aduna kita’y tagsatagsa ug individual nga mga prinsipyo. Dili man gani usahay magkasabot ang magtiayon, kita na kaha?

Apan, kinahanglan manginlabot kita, magpakabana sa mga kalihukan ug mga panghitabo sa atong palibot, ilabi na niining umaabot nga eleksyon. At least, sa atong mga kasinatian,  makahatag kita og panig-ingnan sa mga batan-on nga kinahanglan panalipdan ang atong mga katungod pagpili. Dili ibaligya.

Ato kini nga makab-ot if we get involved in the exercise. Motabang kita pag-ayag ug paghashas sa mga isyu. Ug along this line, modason kita sa pangutana ni Hector Villanueva sa Manila Bulletin kun ang 1,200 ka respondents maka-representar ba sa panghunahuna ug kagustohan[T1]  sa 100 milyon nga Filipino. Niya pa: Can 1,200 respondents truly represent the thinking of 100 million people?

Niining atong panahon karon, nauso ug nabuang kita sa mga survey-survey. Mao ra og ang atong panghunahuna ug mga desisyon mag-agad sa resulta sa mga survey. As if ang resulta sa maong mga survey mao na ang kamatuoran.

In fact, maoy hinungdan nga si Senador Grace Poe, gumikan sa mga survey, nakahukom nga mag-presidente tungod kay ang mga survey nagpakita sa iyang popularity, busa, siya ang most qualified nga mangulo sa kapin sa 100 milyon ka Pinoy.

 Ang hunahuna sa 1,200 ka respondents nga nag-ingon nga si Poe maoy labing qualified mag-presidente sa nasud, mao ba usab kini ang hunahuna sa kapin 100 milyon ka Pinoy? Ma-reflected ba usab kini sa resulta sa election?

“Nevertheless,” matud ni Villanueva, “it is believed that the polling organizations such as SWS and Pulse-Asia may be doing a disservice to the nation by exerting undue influence in molding public thinking.”

So, kuyaw kun ang resulta lang sa mga survey maoy atong saligan ug basehan sa atong panghunahuna ug desisyon sa buot natong buhaton.

Gikutlo ni Hector ang giingon ni Benjamin Disraeli nga kuno: “There are three kinds of lies: LIES; DAMNED LIES; and STATISTICS. Manghinaut kita nga kining ikatulo nga matang sa pamakak, wala malakip ang mga statistics sa mga survey nga gipatuo kanato sa mga polling business entities.

So, mga senior citizens, get involved aron kapanalipdan ang balaan nato nga mga katungod pagpili.