Ang pagpadako sa suso (1)

Pangandoy gayud sa usa ka babaye nga nindot ang porma sa suso nga may igong gidak-on nga angayan sa iyang dughan. Adunay mga babaye nga sa gagmay pa sila, klaro na nibukol ang ilang suso, hangtud nagdalaga o hamtong na apan wala kini modako nga susama lang gihapon sa dughan sa mga lalake nga atngal la'y nituybo. Tingali, nagkalainlain ang mga hinungdan niini, ug nagkadaghan ni sila nga ingon niini ang ilang problema.

Atraksyon sab hinuon ni nga nindot sud-ongon ang tugsoy nga suso, nga  nakadugang sa kompiyansa sa usa ka babaye isip iyang bililhon hiyas. Apan dili na kini problema sa pagkakaron, kay aduna na'y daghang mga medikasyon alang sa pagpadako sa suso. Ang nakadaut lang kay gastoso ang pagmintin niini ug kun magkalisud, sagad may mga motumaw nga 'side effects' nga magmugna na sab hinuon og laing problema. Busa sulaye ning natural nga mga paagi, sama niini;

Mas luwas, dali o paspas ang pagdako sa suso, kun mahimo nimo kini nga :

*Ibalanse ang mga  masustansyang pagkaon nimo, aron mobalanse sab ang imong 'reproductive hormones'.

*Paghimo og ehersisyo sa dughan o suso para  pagpadako niini.

* Pagmasahe sa dughan o suso aron modako ang suso.

Mga klase sa pang-ehersisyo sa dughan o suso (breast exercises) sama sa;

* Push-ups - nakadapa ang tibuok lawas apan wala madapat sa sawog kay nakatukod ang 2ka kamot o palad ug nakatukod gihapon ang tiil, nga mora’g naglutaw ang katibuk-an sa lawas. Unya ituyhad ang bukton aron masaka ang lawas nga inanayon na sab ibalik sa posisyon. Balikbalika ni kutob sa mahimo.

* Modified push-ups - nakadapang nakatukod gihapon sa kamot o palad ang lawas nga nakadapat ang tuhod nga naka-isa ang tiil. Ituyhad ang bukton aron isaka ang lawas dayon ibalik sa posisyon. Balikbalika kini kutob sa mahimo.