Ang mga bata

Usa sa mga naandang ritwal nako sa di pa ko mosaka sa Taas sa kumbento gikan ko sa Misa labina kun tingklase mao man ang paghapit una sa classroom sa mga kinder. Ang mga bata uban ang ilang ka-inosente ang motimbaya man kanako ug ako aron mawala ang kapoy motimbaya usab kanila. Ang bata makapawala sa Stress, ang bata alang nako ang makahatag og pahiyom sa adlaw bisan pa man kun tingali siya mahilak. Ang bata maoy gihimo nga sanglitanan sa  atong Ginoo alang kanato ug kanila nga buot mamahimong dako diha sa gingharian sa langit. Nga sa ato pa, sabton nato kini ingon nga ang mapaubsanong pangalagad ug ang kakontento sa kinabuhi ang dako na kaayo og kahimoan aron mamahimong malipayon ang imong kinabuhi.