Wa’y mga anak nga mosunod sa kabilin

Dear Atty. Divine,

Duna ko’y pangutana may labot sa yuta nga among gibahin. Kining yutaa sinunod sa akong papa sa iyang mga ginikanan. Amo ni nga gibahin nga kami-kami ra ang nagsukod kay di man mahimo nga ipa-survey sa DENR kay Timber Land man ang maong luna. Ako na nga gitukuran og balay ang akong bahin ug ako ‘sab nga gikural. Ang akong pangutana kay wa man mi anak sa akong asawa ug aduna lang kami gibuhi nga duha ka bata nga pag-umangkon sa akong asawa, mahimo ba nga ang duha ka bata maoy among binlan sa balay pinaagi sa Last Will and Testament? — Sergio

Dear Sergio,

Kun ikaw ug ang imong asawa wa’y mga compulsory heirs  kay wa mo’y anak, mahimo kamo nga mo-execute og Last Will and Testament nga diin inyong i-designate ang duha ka bata nga inyong gibuhi nga maoy maka- inherit sa inyong property. Kinahanglan nga individual ug separate ang inyong Last Will and Testament, buot ipasabot nga ikaw mo-execute ka og Last Will nga mag-designate sa duha ka bata nga maoy makasunod sa imong share samtang ang imong asawa mohimo ‘sab og separate nga Last Will. Apan tungod kay Timber Land man ang classification sa yuta nga gitukuran sa inyong balay then dili g’yud kana ma-aplayan ninyo og titulo kay gipanag-iya man kana sa gobiyerno ug gamiton lang ang maong luna alang sa forest purposes. Sa ato pa, ang balay ra maoy ma-inherit sa mga bata legally, but not the ownership of the lot, hinuon mahimo sila nga makaukopar sa yuta hangtud nga dili pa kini gamiton sa gobiyerno. Hinaut nga akong natubag ang imong pangutana.– Atty Divine

Alang sa inyong pangutana may kalabutan sa problema’ng Legal, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column.