Ang sikolohikal nga kahimtang ug ang possession

Mahinungdanon kaayo ang papel sa Sikolohiya diha sa paghimo og analysis sa kahimtang sa biktima. Ug kun mohimo kita og pag-rewind sa nahitabo sa CPDRC dili pa lang dugay daghanan sa mga kababayen-an ang nagkinahanglan og pagtagad sa ilang mga mahal sa kinabuhi maingon nga ang prisohan mismo nagkinahanglan og pagtagad gikan sa gobiyerno. Mas maayo ra pud nga nahitabo to, aron sa ingon nakita ang pangindahay sa mga piniriso ingon man sa tanan nga nagdumala niini nga ang prisohan nagkinahanglan og pag-atiman labina kun maghisgot kita sa facilities ingon man sa mga interventions nga mahimo sa katilingban ug sa gobiyerno. Ang hinanaling hukom malisud ug makuyaw kay basin og kini ang magdala og dugang problema sa hingtungdan. Kasagaran sa ginaingon nga na-possess ang dunay gidala dala nga mga problemang sikolohikal ug emosyonal.Mao nga mahinungdanon kaayo ang psychological intervention matag karon ug unya.