Hilak

Usa sa mga gihisgotan ni Fr. Luciano Ariel Felloni mao man ang kapasidad sa tawo nga mohilak ug mobakho taliwala sa mga kalisdanan ug mga pagsulay. Iyang pag-ampo nga unta mobati gyud siya ingon nga tawo ug dili kay espiritu. Getting in touched with reality is a must matud pa niya aron mas masabtan nato ang kahulogan sa gitawag nilang pakiglambigit. Kini ang kinahanglanon aron sa ingon ang tawo mamahimong grounded sa mga panghitabo ug kay grounded ka mas katuohan o credible ang imong gipanulti. Ang paghilak wala makapahimo natong huyang. Ang paghilak hinunoa maoy naghimo kanatong mas makasabot sa atong kahuyangan ug kun kita makasabot na niini nan, masayud kita kun unsaon nato pagtabang ang atong kaugalingon ingon man ang uban.