Salamat sa pag-affirm

Kini ang gisulti sa usa ka babaye ngadto sa usa ka lalaki nga nihatag og tinud-anay nga pagdayeg sa iyang kayano ug kasimple. Kini tungod kay sa tibuok niyang kinabuhi bugtong kining lakiha lamang ang nakaako sa paghatag sa iyang pag-uyon ug pagdayeg. Ingon niini usab ang gugma sa Ginoo.

Sa makadaghang higayon kita nahimong mahikalimtan ug mabiyaan sa buot mismo sa mga sakop sa atong pamilya kini tungod kay ang tawo usahay ang nagtan-aw lang sa iyang makuha gikan  kang bisan kinsa nga iyang tagdon ug dili sa bisan unsa nga bili nga anaa sa tawo mismo. Ang Dios padayon nga modawat ug mohangop kanato bisan pa man sa atong kahugaw. Kini tungod kay ang Ginoo maayo ug maloloy-on kanato. Mahimong biyaan ka sa tanan apan dili ang Dios.