Consumatum Est

Usa ka tiguwang niingon sa iyang apo: "Natapos na ang tanan!" Ug human niadto siya namatay. Kini ang angayang angkunon sa matag usa nato nga ang tanan dunay katapusan. Katapusan nga moabot sa paagi nga usahay dili hisabtan ug sa paagi nga kalit ug sakit. Apan sa laing bahin ang katapusan mahimong sabton nato ingon nga sinugdanan labina kun maghisgot kita og panaw. Sama pananglit sa katapusan sa imong pagka ulitawo o dalaga kay ikaw karon minyo na man. Kun sa dihang ang atong Ginoo niingon: Consumatum  Est! natapus na! iyang gibuksan ang laing anib sa kinabuhing nabag-o ug nahimaya. Kini ang atong pamalandongan nga matag adlaw kahigayonan sa paghatag sa mga nindot nga anaa nato kay ugma wala nay seguro.