Ang sunod nga president

Sa ika-55 nga sumad sa iyang pagkatawo, si Chief Justice Maria Lourdes Sereno namahayag ug nangandoy nga ang mosunod nga presidente, unta mosubay sa mga gimbut-an sa Constitution ug mopalihok sa mga gimbuhaton sa gobiyerno.

Nga kun ang mga ahensiya sa kagamhanan motuman lang sa ilang mga katungdanan sa tumang katarong, kaligdong ug kamatinud-anon, dili unta kita mahiagom sa mga problema nga sa matag karon ug unya magkinahanglan sa mga pagtagad sa Korte Suprema.

Dugang ni Sereno: “Any President will have to account for the fact that the primary duty is not to ensure power concentrated in the office of the President, but rather that the Constitutional design for the checks and balances for accountable government is observed.

“When that happens I think you will see stability in our country that will augur well for the future. I think we can look forward to a more modern and responsive society.”

Atong masabot dinhi nga kinahanglan ang sunod nga presidente sa nasud, maningkamot sa pagpalambo sa nasud, subay sa gimbut-an sa Constitution, ug dili aron pagpadugang sa gahom sa iyang opisina.

Ug naglaum usab si Sereno nga mapadayon unta ang mga reforms nga gisugdan ni Presidente Aquino, nga ma -“sustained by the next leaders of the country.”

Hagit kini kanato’ng tanan. Dili kini hagit sa atong mga lider, kay kita man ang magbuot kinsa nga mga lider nga atong hatagan sa gahum.

Sa umaabot nga election, ang main issue, subay sa pangandoy ni Sereno, mao kini: Kinsa man ang makapadayon sa mga kausaban nga gisugdan ni Presidente Aquino?

Kinsa man ang makabuntog, once and for all, sa corruption? Karon, klaro na ang duha ka main contenders sa pagka-presidente, si DILG Sec. Mar Roxas ug Vice President Jejomar Binay.

Kinsa kanila’ng duha ang makapatuman sa pangandoy ni Chief Justice Sereno? Kinsa sa duha ang makapuo sa corruption nga dugay na nga naghatag og kadaot sa atong nasud?

Perhaps, kun masulod sa ulo ni Senador Grace Poe ang kanunay niya’ng pag-una sa mga survey, ug madala siya sa hulhog ni Sen. Escudero, modagan usab siya pagka-presidente, kay alang niya, she’d make the better, if not best president. Tulo na ang atong kapilian.

Unya, kun magtuo si Sen. Bongbong Marcos nga nakalimot na ta sa iyang amahan, lagmit molansar usab siya pagka-presidente.

So, upat na. Alegre na. Kini ra ba’ng atong eleksyon alegre g’yud kaayo. Good luck kanatong tanan.