Padung sa kinabuhing mahinulsolon
Awareness mao kini ang kulang sa kadaghanan kanato karong mga panahona, nga tungod niini nahimo kitang pasagad mismo sa mga desisyon nga atong gihimo. Daghanan kanato ang nagapos sa atong pagkamakasasala. Daghan nato ang nahimong nabutaan mismo sa bakak nga atong gipuy-an o napuy-an. Kini tungod kay kita komportable na man niini. Ug agi’g paghimo og personal nga pamalandong gidapit ko ikaw nga imong himoon kining mosunod:
A. Pasiunang Pag-ampo: Pangayoa gikan sa Dios ang grasya nga mamahimong makatabang kanimo diha sa dakong tinguha sa pag-alagad, paghimaya ug paghigugma sa Dios.
B. Hinumdomi ang mga kahigayonan nga nahimo mo ang usa ka sala nga giisip mong kabahin sa imong sistema. Ilista kini ug susiha kun nganong nabalik-balik mo man kini sa pagbuhat.
C. Pangayoa sa Dios ang grasya sa kalig-on aron ang maong sala ang mahulipan og birtud. Sama pananglit sa KASUKO nga unta kini mahulipan og KALUMO.
D. Basaha ang Isaias 40:1 ug pamalandongi kini. Nahimo ka bang abli sa Grasya ug kalooy sa Ginoo nganha kanimo?
- Latest
