Ang makatagbaw

Agosto 2, 2015: Ikanapulo’g-Walo nga Domingo Sulod sa Tuig

Mga Pagbasa:     Ex. 16;2-4,12-15/Sal. 78/Ef. 4;17,20-24/Jn. 24-35

Sa dihang naghimo mi og Bible Study akong gipangutana ang usa ka edarang babaye: "Manang Natagbaw na ka?" Igo siyang nipahiyom dungan ang pagsap-ong sa iyang baba uban ang pag-ingon; "Kalain!"hehehe! Kay lagi dili man ikatingala sanglit daghan man kanato ang mohatag dayon og usa ka mahugaw nga pagsabot sa katagbawan. Ang katagbawan nga akong gipasabot kalabot sa mga lingaw lingaw o pagtagbaw nga halayo ra sa Diosnong Kabubut-on. Ang katagbawan maayo ug atong gipangita. Apan ang tinubdan sa tanang kaayo nga mao ang Dios lamang maoy makahatag kanato sa tinud-anay nga Katagbawan. Siya ang Makatagbaw nga Kalan-on diha sa Sagrada Eyukaristiya. Ang Makatagbaw nga Kalipay. Husto g’yud si San Agustin sa iyang Pag-ingon: MY Heart is Restless until it Rest in You! Kay kuyog sa maong Katagbawan uban ang Dios anaa ang Kalipay nga dili mahimong mahatag sa kalibutan o ni bisan kinsang Kalibutanon.