We move on!

Husto si PNP Deputy Director General Leonardo Espina sa iyang pag-awhag sa tibuok nasud nga mouswag na kita padu’ng sa unahan. “We move on.”

Bitaw, ang-ang mag-Mamasapano na lang kada adlaw, day in-day out. Matud niya: I hope and I pray this baggage we carry will slowly lighten. We have to move forward. We owe it to the people, to the SAF 44.”

Daghan pa kaayo kita’g mga concerns, mga problema left and right, kinahanglan atubangon. Ug kadto’ng buot magpa-resign ni Presidente Aquino, agwanta la’g gamay, mga 14 na lang ka buwan, wala na si Noynoy sa Malacañang. Ug kamo na’y mopuli.

But, in the meantime, we must move on, ni General Espina pa. Himuon nato’ng inspiration ang kaisog sa Gallant 44 nga miula sa ilang dugo alang sa atong nasud, inay nga makahunong kini sa atong mga tinguha pagsibog sa unahan.

* * *

Ang World Bank mi-acknowledge sa mga reforms nga atong gipasiugdahan aron makab-ot ang dugay na nato’ng gitinguha nga tingusbawan.

Gumikan niini, mitunol na usab sila sa nasud og laing $300 milyones nga pahuwam, sa tinguha nga magmalampuson kita niini’ng gipasiugdahan nato’ng mga reforms.

Giingon dinhi nga kini’ng maong assistance, “is intended to support the government’s program in raising infrastructure investments, education, social services to aid the poor, lowering the cost of doing business to create more jobs, and for fiscal transparency.”

So, timailhan kini sa pagsalig sa international community sa mga lakang nga gihimo karon sa atong nasud pag-achieve sa gikinahanglan nga mga reforms.

Matud pa: “The Philippines continues to reap the results of its diligent efforts to achieve inclusive growth.”

Resulta niini’ng mga assistance nga gitunol nganhi kanato sa World Bank ug ubang financial institutions sa kalibutan, hinayhinay, ato na kini’ng nasinati, sama sa mga dagko’ng infrastructure projects nga gi-implement na sa nagkalainlaing dapit sa nasud.

* * *

Ambot nga sa kapin 100 ka milyon nga Pinoy, pila lang kaha kanato ang nakabasa sa Bangsamoro Basic Law (BBL). Unya, grabe na kaayo ang discussion ug debate bahin niini. Ang sabaan kaayo, buot nga dili ipadayon ang maong peace agreement.

Apan wala sila’y gitanyag nga alternative. Maoy ilang gusto nga mo-resign lang g’yud si Presidente Aquino. Sa ato pa, kun mo-resign si Noynoy, makab-ot ra ang kalinaw sa Mindanao.

Usa ko sa wala makabasa sa proposed BBL, busa dili ko ka kumentaryo. Ikaw?