Ang goiter sa tutonlan

Unsa ba kining mga goiter? Mahimo nga usa ni sa mga matang sa goiter nga nitubo sa 'thyroid gland', nga nahimutang sa tutonlan ubos sa 'adam's apple'. Mao kanang makita mo sa liog nga may mitubo nga bukol.

Usa sad sa tipo niini, ang 'graves disease' nga ang tibuok nga 'thyroid gland', nidako. Laing tipo pud ani mao ang ginganlan og 'non-toxic modular goiter', nga mitubo sa ibabaw sa nidako nga thyroid. Kini maoy nakaamong sa dili normal o subra nga prodaksyon sa thyroid hormones.

Sa laktod nga pagsubay, kining mga goiter mao ang pagdako sa 'thyroid gland', nga naa sa ubos sa liog nagbukol. Ang goiter, mahimong temporaryo o mohiyos lang ang bukol bisa’g walay tambal. Apan kun sa pamati mo, medyo lain na, mas maayong ipakonsulta sa doctor, pagseguro kun unsa gyud kini.

Unsa may mga hinungdan niini? Mahimong motumaw kini gumikan sa 'thyroid gland' nga subra nakaprodyus og thyroid hormones (hypothyroidism) o kaha kulang (hyperthyroidism). Mahimo sad ni modaku, bisa’g normal ang prodaksyon sa hormones, sama sa 'non-toxic multinodular gland'.

 Usa sa laing hinungdan ining 'thyroid enlargement', mao ang subrang pagkaon nga maka-goiter  sama sa soybeans, repolyo, peaches, peanuts ug spinach. Kay mopugong o mosanta kini sa paghimo’g thyroid hormones. Matud pa, ang hinungdan gayud aning tanan, mao ang kakulang nato’g 'iodine' diha sa mga pagkaon. Hinuon nikunhod ang kaso sa goiter dihang gi-introdyus sa mga Amerikano ang asin nga may 'iodine' o 'iodized salt' niadtong tuig 1920.