Engagement Ring

“Hello naa pa ka sa (name sa ilang trabahuan)? Nahibilin akong engagement ring sa cr kay akong gihubo pagpanghugas nako ganina. Naa pa si (ngalan sa kauban sa trabaho)? Dia nako sa Tisa. Day-off ra ba ko ugma.” Mao ni ang lenggua sa akong kasakay sa jeep nga lalaki adtong Lunes samtang may kaistorya sa iyang cellphone.

Samtang ako nga naminaw, nakaingon nga: ay dili niya love iyang asawa. Kay kun love pa niya, mukanaog siya niining jeep ug balikon ang iyang wedding ring bisan og perti pa layua sa nahimutangan niini. Oh well, siguro barato ra to nga ring. Apan when you are in a relationship it does not matter man mahal ba o dili ang usa ka butang, ang importante mao man ang kinsay naghatag ug ang rason nganong gihatagan ka niini. Kun ring, buot pasabot timaan na sa pagminahalay. Simbolo sa walay katapusang gugma. Pakkk!

Tinuod bitaw nang, “Kung may gusto may paraan. Kung ayaw, maraming dahilan.” Sure ko daghang  maka relate niini, ilabi na kadtong in a relationship apan feeling nila taken for granted ra sila. Kay kun importante gyud ka sa usa ka tawo, maningkamot gyud na siya nga magkauban mo. Ingon bitaw sila, sa gugma labangon gyud ang pito ka lawod ug tungason ang pito (ambot nganong pito gyud, hahaha) ka bungtod makauban lamang ang binuhat nga gipitik sa imong kasingkasing. Unsaon gyud? Pakpak!

Hinungdan nga, ako kun in a relationship or naay maibgan, unya inig invite nako og coffee, lunch, or tagay unya daghan kaayo’g balibad, puno og rason, ay mangandam na lang ko daan. Dili na lang ko magdahom kay wala gyud nay paingnan. Kanang balibaran ka kausa or kaduha, madala pa na. Apan kun magsige na lang gyud og balibad kay lagi busy, naa pay lakton nga importante, ug unsa pa nga kadramahan, ayy, bogo na lang kaayo ang dili makasabot nga wala kay bili anang tawhana, dili ka importante para niya. Maong kamo, ayaw mo’g padala anang kilig, kilig kay mawala ra na, muhupas ra na! May pinagdadaanan ba ako? Awww!

Bitaw, my dear okRYANians. Think about it. Kun importante gyud ka para sa imong higala o sa imong ka relasyon, musutoy na dayon paingon sa imong nahimutangan uy. Kun sakay kaayo sa jeep mukapyot na. Kun walay pamilite, magbaktas na. Kun walay load, mangutang na aron lang gyud maka reply siya nimo. That’s love. That’s one true love! Pakpak!