Temang nalambigit: Pagbati, kalinaw

Mahimong ang asul simbolo sa kalinaw, ingon man pagbati. Ang mga tawo nga mahiligon ning maong kolor dunay dakong pagpakabana sa kalinaw ingon man kahilom. Sa laing bahin ang kolor nga asul adunay dakong kalambigitan sa tawhanong panginahanglan nga mag-inusara matag karon ug unya aron mohimo og pagpatidlom ug pagtugkad sa misteryo luyo sa panggawas nga kagubot ug kahasol. Kun kini ang nigawas nga larawan sa imong damgo, pahinumdom kini nga angayan nimong tugkaron ang imong pagbati. Nahimo ka bang depressive ug hysteric panahon sa dakong panginahanglan? O nahimo ka bang kalma sama sa asul nga kolor labina sa panahon sa kalisud. Hinumdomi nga ang tinuod nga kinaiya sa tawo masayran nimo panahon sa kahagip-ot.