Ang Amason Jungle

Usa ni sa gikonsiderar nga kinalapdan o kinadak-an nga lasang nga naapil sa 2014 isip usa sa 7 wonders sa kinaiyahan sa tiuok kalibutan. Nahimutang kini  taliwala sa mga utlanan sa siyam (9) ka nasud nga mao ang Bolivia, Brazil, Columbia, Ecuador, French, Guiana, Peru, Suriname ug Venezuela.

Aduna kini sukod o gilapdon sa yuta nga mokabat kapin kun kulang 7 milyones sq.kms.(1.7 million acres). Mismo ang bagang lasang niini, aduna nay 5.5 milyones sq.kms.(1.4 million acres). Ang gidak-on nagrepresentar kini sa 20% sa kalasangan karon sa tanang dapit sa kalibutan.

Gituohan nga may dakong tinubdan kini sa mga ihalas nga wa pay ngalan o madiskubre. Aduna sad kini, kinataasan nga suba o sapa, nga gikan sa tinubdan sa tubig, moabot kinig 6,400 kms. paggawas sa lawod Pasipiko.

Mao sad ni ang giisip nga maoy kinadak-an o kinadaghanang pondo sa tubig (water basin) sa tanang kasapaan sa kalibutan. Ania pod ning dapita ang daghang wala pa maitala sa siyensa. Adunay kahoyan nga dagko sad may gitas-on nga moabot 200 ft ug ang punoan 7-11 ft ka dayametros. Nga may uban tanom ang gamut motubo paitaas aron magpabantang sa adlaw, kay way kahayag motidlom sa ilawom tungod sa kasiot sa maong lasang.

Sa partial nga report, aduna kini 1,000 ka klase sa tanom, nga ang kinadak-ang kahoy ini mao ang kapok tree. Sa mga isda 1,500 ka klase, diin ania dinhi ang red piranha, ang kinabangisang klase sa piranha. Ug  uban pang nagpakabuhi didto sa ilawom sa kalasangan, nga lapokon kanunay nagbasa tungod sa hilabihang katun-og mismo sa kabaga niining lasanga.