Hadlok mga criminal
Ang kadaghan sa puwersa sa seguridad sa mga dagko’ng kalihukan dinhi sa siyudad sa Sugbo nakapakalma sa mga mangunguot ug uban pa’ng kriminal.
Kini luyo sa pagkawagtang na sa isla sa Kawit nga kaniadto maoy labayanan sa mga mangunguot sa higayon nga may dagko’ng kalihukan dinhi sa siyudad nga tambungan sa minilyon ka tawo.
Hinuon kun may nabiktima man karon, ato’ng gituohan nga dili na kaayo daghan .
Ang panaghiusa sa tanan gikan sa mga estudyante, barangay tanod, polis ug ubang anti-crime groups naghatag og kahadlok sa mga maldito paghasol sa katawhan.
Nakakat-on na usab ang katawhan paggamit na lang og kapote paglikay nga makasamad sa lain kun payong ang ilang dad-on.
Mas maayo usab nga nakat-onan kini sa tanan, ilabi na nga may supply usab diha-diha dayon sa maong mga kapote.
Aw, hinuon kining tanan mag-agad ra man sa pagdesiplina sa kaugalingon.
Kaniadto, payong ang naandan nga gigamit sa kadaghanan nga mao ra usab ang giduslak ug gisamad sa mga kawatan ug mangunguot nga mipahimus sa higayon.
Karong wala na mohuygo ang mga pilit og kamot, aw angay na gamiton ang kapote kun mag-uwan.
Hinuon sa indibidwal nga lakaw, angay magpayong, mainit man o tinguwan.
Sa panahon usab nga may mangomedya’ng mangunguot ug kawatan, sayon ra usab kaayong ipuspos, o kaha iduslak ang tumoy sa payong.
* * *
- Latest
