EDITORYAL – Sto. Niño gamhanan

Sa nagsingabot pa ang kapistahan ni Señor Sto. Niño gipahibalo sa mga weather forecasters nga may nagsingabot nga bagyo ug naghulga sa pagpahigayon sa fluvial procession, solemn procession sa imahen sa Balaang Bata ingon man ang Sinulog Grand Parade kagahapon.

Daghan ang nagtuo nga dili mahinayon ang bagyo’ng Amang sa pag-igo sa dakbayan sa Sugbo kay pakgangon kini ni Sto. Niño. Tuod, wala masayop ang katawhan kay nindot ang panahon sa mao nga kalihukan. Bugnaw kaayo kay gisalimbongan man sa panganod ang kainit sa adlaw.

Nagpadayag kini kun unsa kagamhanan ang Sto. Niño nga maoy dali kaayo nato nga masangpit kun may panginahanglan kita nga gusto’ng maangkon.

Ang nasinati nato nga nindot kaayo nga panahon sa Sugbo bisan sa pagbana-bana sa PAGASA nga moigo sa Sugbo ang bagyo sa Sabado ug Domingo, makapahugot kini sa pagtuo sa katawhan.

Gipaila ni Sto. Niño nga kun mag-ampo lang, iya gayud nga ihatag. Angay kita nga maghiusa sa pagsinggit, VIVA, PIT SENYOR!