Mga remedyo sa hayblad
Mga bata o edaran, wala nay gipili ang hayblad karon. Sagad motakboy kini nato tungod sa dili maayong estilo sa atong kinan-an, nga halos ang mga pagkaon aduna nay mga hugaw o toksik nga kemikals. Samot nga permi mahanggap o maantimano sa mga polusyon sa palibot.
Bentaha gyud nga maantigo kita nga modepensa sa atong panglawas. Kinahanglan likayan ang pagkaon sa tambok o fat nga gikan sa mananap. Total may makuha mang fat gikan sa mga natural, utanon ug isda. Menusan nga di magpalabi sa tam-is ug asin. Og uban pang subra sa mga pagkaon.
Apan kun ugaling aduna na kitay hayblad, likayan ang sige’g kasuko. Di magbilar o mamulaw nga kulang permi sa tulog. Mao kini ang usa sa mga mopagrabe sa hayblad, nga usahay mokalit lang kita atakihon nga mainutil. Aron pagnormal sa presyor sa dugo nimo, anaay daghan natural nga remedyo.
* AHOS – Pagkuhag 2-3 ka lusok niini hiwaa’g pino unya ihumol sa tubig sud sa 1 ka min. sa 1 ka kopita o basong gamay. Dayon imna o iyarok aron di ka lainan sa baho. Kun capsula o gel sa ahos- pagtumar og 1-2 ini kada di pa mokaon. Buhata ni makatulo sa usa ka adlaw. Ayaw tumar nga way kaon.
* TANGAD – Magpabukal og 1 ka litrong tubig nga may tulo ka saha sa tangad, sud sa 15-20mins. Seguroa nga lab-as/limpyo. Imna sama sa tsa.
* KINSAY – Mahimo ning kaonon ang dahon nga lab-as. O kaha pagdukdok nga makapuga’g I ka kutsara, dayon imna. 3 ka beses sa 1ka adlaw
* BANABA, LOMBOY, GABON, NEEM TREE – Pagpili kun hain ang lagaon mo niining mga dahona, pabukala sud sa 15-20 mins. Imna sama sa tsa
- Latest
