Ang kahinay sa utok

Dili gayud managsama ang kalibre sa atong pangutok.Managlahi pud ang kapasidad nato sa pagka-intelehente o memorya. Tagsa-tagsa nato adunay sukdanan sa kapaspas sa panghunahuna. Suwerte kaayo kadtong gitugahan sa talagsaon nga pangutok kay dali ra sila makatubag sa pagsabot tungod sa kapaspas sa ilang pangutok. Dali ra pud makamemorya o makahinumdom.

Apan bisan pa man niini, nagkinahanglan kini og pag-atiman nga kanunay himsog ang atong utok. Nagkinahanglan kini kanunay’ng abunohan sa mga sustansya o nutrisyon. Unya matngonan nato nga di magluya o mohinay kini gumikan sa laing mga hinungdan, sama niini nga permi maapektahan ang utok:

* Subra ka busog o kahangol sa pagkaon – Tingali kamatikod kita kun mabusog pag-ayo, mora’g bug-at o luya ang pamati sa lawas, mao usab ang atong utok mohinay o luya. Gumikan kini sa dili normal ang blood sugar suplay alang sa selyula sa utok.

* Grabeng inom sa alak o ilimnong may alkohol – Ang utok nato permi madaut o mahubog sa iso’g nga spiritu sa alkohol, mao nga ang utok mayabag nga mawala ang paminsar.

* Kulang sa tulog — Ang utok mohinay kay way pahuway.

* Tapulan mobasa o motabi — Mokaging o mapug-ok ang utok nga wa maaktibo ang memorya niini.

* Hinigarilyo — Usa ni sa hinungdan sa pagkaango-ango o malimtanon.

* Hugaw nga hangin — Sama sa mahanggap nga aso nga itom sa tambutso o panghaw mopamenus  sa oksehena sa utok.

* Masakiton sige’g trabaho —  Makapaus-os kini sa kaepektibo sa utok.

* Way kibo o paminsar —  Permi nagtanghal nga wa palihoka ang utok, mohinay ni nga wala mabansay sa kaabtik sa panghunahuna.