Pagsaulog sa New Year
Gituohan nga kun d’yutay ra ang nadisgrasya sa pabuto niadto’ng Pasko, hayan daghan unya sa Bag-ong Tuig kun dili magmatngon. Ang mga tag-iya og pabrika sa pabuto mag-ampo g’yud nga daghan unta ang mamalit og pabuto.
Kun daghan ang mamalit og pabuto, daghan g’yud ang ma-ospital kun dili sila magmatngon, ug dili mausik ang giandam nga gabas sa ospital, gunting, dagom, ug puti kaayo’ng bed cover, habol, tualya ug mga medisina.
Sa daghang mamalit og pabuto, makakuwarta ang mga tigbaligya ug ang mga tag-iya sa pabrika. Sa miagi’ng Pasko kapin ra sa 70 ka tawo sa tibuok nasud ang nangasamad ug nangaputol ang kuyamoy. Gani sa Cebu City, maihap ra ang naaksidente sa pabuto.
Sa umaabot nga Bag-ong Tuig, wala pa hisayri kun pila’y maangol o kaha mapatay, apan manghinaut kita nga wala lay mamatay tungod sa pabuto.
Hinuon ang mga saag nga bala, lisud kini kontrolahon kun ang mga tag-iya’g armas mugilok g’yud ang mga kamot kun dili makapabuto sa ilang armas panahon sa Pasko ug Bag-ong Tuig.
Ang sagad mogamit sa ilang armas aron pabuthon dungan sa pagsugat sa Pasko ug Bag-ong Tuig mao ang mga tawo nga nabag-uhan sa pagtinil og armas.
Dili kuwarta ang hinungdan sa pagkibra sa gidaghanon sa nangapungkol sa milabay’ng Pasko, kon dili wala lang kaayo ganahi ang mga tawo sa maong higayon.
Apan sa New Year, daghan kaayo’ng nagbahad nga mamalit og ubay-ubay’ng pabuto aron ilang pabuthon agi og pagpaila sa kinasingkasing nga kalipay sa pagsugat sa Bag-ong Tuig.
* * *
- Latest
