Ang ka epektibo sa tanom

Ang tanom kun maoy gamiton nato isip nga tambal, aduna kini mga takdang panahon aron mas mahimong epektibo kini nga makaayo sa masakiton. Busa angay natong mahibaw-an kun kanus-a ang panahon nga maayong kutloon o gamiton ang mga parti sa tanom nga epektibo ni itambal:

*DAHON o UDLOT – Maayong kutloon kini samtang namuwak pa.

*BUWAK – Mas maayo kun di pa kini mobukhad.

*BUNGA –Maayo kun kini hilaw o balbangaan pa.

* LISO – Kun kini hinog na ang bunga.

* PANIT SA KAHOY – Kun tig-init ug 2 ka tuig o kapin ang edad sa tanom.

* SANGA o SALINGSING – Kun hapit na mamuwak ang tanom.

* GAMOT o UNOD SA GAMOT – Kun humana kini mamuwak.

*TIBUOK TANOM – Samtang kini namuwak pa.

Sa pagkutlo o pagputol, kinahanglan buhaton kini sa buntag inig silang sa adlaw.

* Sa PAGKUTLO– Kuhaa una ang mga daut o dunot nga parti sa tanom. Ang limpyo o lab-as lang nga dahon, buwak, gamot, ug uban pa.

* Sa PAGHUGAS– limpyong tubig ang gamiton. Kun dunay gripo, mas maayong paagasan para seguro mabanlas ang nahibiling hugaw.

*Sa PAGLAIN o PAGHAGPAT –Pamutla nga ilainlain o tapoka ang dahon, buwak, uban pang parti sa tanom. Hiwahiwaa o tadtara kini. Ang mga liso, pinoha o pulbosa, ang mga dahon nga maayong tuhugon og hilo nga ibitay.

Ug ayaw kini ibuwad sa init sa adlaw. Imo lang kini pahanginan hangtud mauga. Isulod sa dekolor nga garapon botelya ug apilan og uling sa lubi, para di mamuti o ma-moist. Unya ipahimutang ni sa dapit nga di maabot sa bata.