“Spell hotdog!”
Sa una, ilang giusab ang spelling sa “breakfast.” Nakamatikod tingali sila nga sayop, ilang gi-erase. Karon, ang spelling na pud sa “hotdog” ang ilang giusab. Mura’g correct na tingali sila kay wa man ma-erase. Lagmit na-approve na ni sa DepEd tungod kay nagpadayon man ang ilang spelling sa “hotdog,” with the full support and cooperation sa KBP.
Hangtud sa atong pagsuwat niini, nagpadayon pa ang ilang kampanya ug pag-promote sa bag-o nilang spelling sa “hotdog.” Giingon nga ang language kanunay nga nagtubo. Maglakaw ang katuigan, daghan kaayo’ng mga bag-ong pulong ang madugang. Usa na niini ang bag-ong spelling sa “hotdog.” Magpasalamat kita sa nag-invent niini. Salamat usab sa DepEd ug sa mga radio-tv stations nga nag-promote niini.
* * *
Sa dakbayan sa Cagayan de Oro, ang kapolisan naglaraw pag-disband sa nagkalainlain nga mga school gangs sa mga tunghaan sa high school sa dakbayan. Matud ni Chief Inspector Lemuel Gonda, ilang gi-monitor ang kalihokan sa usa ka dako’ng grupo sa mga estudyante sa Misamis Oriental General Comprehensive High School ug Cagayan de Oro National High School. Nakadawat sila’g report nga usa sa gang member gi-rape ug napamabdosan sa usa ra usab nila ka sakop. Nakadungog usab sila sa mga pag-rumble, kagubot gipasiugdahan sa nagkaatbang nga mga gang members.
Alarming na ni. Ambot ngano nga lain na man karon ang lingaw sa atong mga batan-on. Kahinumdom ko, sa among panahon sa high school, mga inosente kaayo mi ning mga butang nga gihimong kalingawan karon sa atong mga batan-on. Sa among panahon, daku ang among pagtuo sa giingon ni Jose Rizal nga ang mga batan-on maoy paglaum sa nasud. Where did we get wrong? Ug kinsa ang nasayop? Ang mga tunghaan? Ang mga ginikanan? Ang mga pamilya? Ang Simbahan? Ang katilingban? Ang gobiyerno? Ang dautang mga influence sa western world? Karon, ang mga batan-on frontliner sa nagkalaing krimen nga nanghitabo sa tibuok nasud. Unya, sa mga hamtong ... corruption here and there. Killings left and right. Rape here, rape there. Smuggling, diin ultimong barko nga daku kaayo, mahanaw lang. Tax evasion. Commissions and overpricing of projects. Naunsa na man ta ini? Unsa man ni sila sa ilang pagkabatan-on?
- Latest
