Mga lumad sa kabugnaw

Sa Antartika, ang grabe ka bugnaw sa klima, ilabi na sa kinalawomang bahin niini nga mao ang Ross Ocean, ang dagat o ang lawod nahimong sawog sa yelo. Apan bisan pa ini may mga lumad gihapon nga nabuhi sa kabugnaw, ibabaw ug ilawom sa dagat, nga na-yelo na, ilabi na kun panahon sa winter.

*STAR URCHINS ug RIBBON WORMS - Maitom na gani ang dagat tan-awon, tungod ni sa hilabihang kadaghan nga nanguyamang kini ibabaw sa dagat nga nangita’g makaon sa mga anod o patay'ng mananap nga manglutaw.

*ADELIE PENGUIN - Mao ni daghan kaayo didto sa kadagatan sa Ross. Mangitlog kini sila sa mga kabatuan nga kanang wala mataboni sa yelo.

* EMPEROR PENGUIN - Mga dagkoon ni sila nga ang timbang moabot sa 100 ka libras. Mangitlog kini sila sa ice, nga ipiyal lang sa lakeng penguin aron maprotektahan kay ang inahan niini mobalik sa dagat nga mangita’g makaon.

* COLD WATER SEA SPIDER - Mga kaka kini sa bugnaw nga klima ug motubo pa gyud ni nga ang kaway sama sa plato ka lapad, aron sila mas makasugakod o makalahutay sa grabe nga klima sa kabugnaw.

* TREMATUMOS BERNACCHII - Mga isda kini nga ampay ang dagat nga inaysan sa grabe ka bugnaw nga moabot ngadto sa minus 1.8 d.celcius. Duna ni sila'y pangontra sa tuskig (anti-freeze) aron dili mobagtok ang dugo nila.

* POLAR ALGAE - Mga lumot kini sa bugnaw nga tubig, nga naprosen o natunaw nga mosagol sa dagat, aron maghatag og asin ug mga nutreyens.

Og uban pang mga nabuhi sa patag o sa dagat nga haskang nindota tan-awon. Mga talagsaong specie o klase nga di nato ordinaryong makita sa atoa.