Christmas bonus

Dear Atty. Divine,

Duna lang ko’y pangutana labot niining bonus panahon sa Pasko. Dugay na man gud ko nga nagtrabaho sa among kompaniya apan wala man kami makasuway nga gihatagan mi’g bonus. Ang uban man gud nga company gawas sa ilang 13th month pay naa pa sila’y madawat nga Christmas bonus. Apan kami kutob ra sa 13th month pay. Mahimo ba kami nga moreklamo kun ngano nga wala mi bonus? Kanang 13th month pay kinahanglan ba sab kana nga kuhaan og buhis? - Yuri

Dear Yuri,

Kana’ng paghatag og bonus sa mga kompaniya ngadto sa ilang mga empleyado dili kana mandatory. Sa ato pa, kay dili man mandatory discretion ra na or depende ra kana sa employer kun mohatag ba siya og bonus. Apan kun nahimo na nga practice sa kompaniya ang pagpanghatag og bonus di na kini mahimo nga iyang kalit nga hunungon ug mahimo na unya’ng mokuwestiyon ang mga empleyado kun kalit kini nga hunungon. Base sa atong balaod, ang paghatag ra og 13th month pay nga equivalent sa usa ka buwan nga suweldo maoy mandatory. Samtang kalabot sa buhis niini, kun ang mga bonus ug 13th month pay nga dawaton sa usa ka kawani dili mosobra sa P30 mil, wa kini buhis apan kun mosubra na sa maong kantidad then duna na kini tax deduction. - Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St, Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules ug Domingo.