Balaud sa kalampusan

"Ang mga tawo dili mahadlokon sa kapakyasan. Apan sila di lang gayud kahibalo unsaon nga malampuson." Panultihon ni Jeffrey Gitomer.

Busa atong sayran kining pipila ka giya sa mga balaud sa kalampusan.

*Maghimo og makanunayon nga positibo sa atong atityud o kinaiya. Kini ang tanan sa atong maayong pagkatawo ngadto sa isigkatawo.

*Motuo ka sa kaugalingon. Mosalig ka sa katakos mo.

*Maghimo’g plano nga buhaton, ang pangandoy nga abuton. Ang tumong sa padulngan maoy mapa sa dalan o direksyon.

*Pagkat-on og buhata ang pundasyon sa batakang pamaligya.

*Sabton ang panginahanglan sa kliyente o kustomer.

*Pamaligya nga dili ganansiya ang intension kun di pagtabang.

*Kumbinsido nga may pagsalig sa serbisyo o produktong ihanyag.

*Andam kanunay sa moabot nga oportunidad.

*Matinud-anon sa makiangayong pangalagad.

*Di usika'g oras o pugson kun di gyud interesado.

 *Permi moabot sa kasabotang oras, dili kay kanunay malangan.

*Pormal nga desente makig-atubang.

*Mahimut-anong seryoso nga makalingaw. Aron maagni ang ilang interes sa pagpaminaw.

*Suoron aron lig-on ang relasyon sa mga kliyente.

* Suhetoa pag-ayo ang kahibalo sa gihanyag nimong serbisyo o produkto.

*Ibaligya ang benepisyong makuha dili ang mga teknikalidad, aron dali ka masabtan.

*Tug-ani gyud sa tanang tinuod aron dili motagam.

*Buhata ang saad nga tumanon mo. Di kay permi pasalig apan di masaligan.

*Di mokomentaryo kun wa nay maayong ikasulti. Pahiyum na lang.

Mao ni atong nasabtan gikan ni Mr. Lexus Dela Cruz, sa seminar alang sa mga DLA/SF Foundation volunteers kaubanang mga dinapit nga bisita.