Si Ruby, si Juan magbubunyag ug kita

Nikaon og tagam ang tanan kang Yolanda ug karon ania na pud si Ruby kanato manghasi. Gihasi kita ug gisukod ang atong katakus sa pag-andam. Ning ikaduhang Domingo sa Adbiyento anaa pud si Juan Magbubunyag nga mohasi sa atong tagsa-tagsa ka mga tanlag uban ang mensahe sa pagpangandam sa atong kaugalingon sa pag-anhi sa Mesiyas. Nahimong sentro sa iyang pagpanudlo mao man ang tawag sa paghinulsol ug pagbag-o aron mas mahimong limpiyo ang atong kaugalingon.

Alang nako ang best offering nga atong ikahalad sa Dios mao ang atong mahinulsulong kasingkasing ug mapaubsanong espiritu.Ug ang tukmang panahon sa paghimo niini karon gyud nga panahon. Maayo man o dili ang panahon, may bagyo man o wala, matag adlaw opportunity sa pagbag-o. Matag adlaw opportunity sa paghinulsol