Unsay buhaton kun may sunog

Kadaghan na kita maghisgot sa mga fire safety tips. Napaambit na pud nako halos tanan kun unsay buhaton aron makalikay kita sa sunog. Akong nahuna-hunaan nga mas maayo ug maghisgot na pud kita og unsay angayang buhaton kun masunog na ang atong panimalay.

Mao kini ang pipila ka importante’ng tips aron luwas kita’ng makagawas sa atong panimalay nga nasunog.

Angayan nato’ng hibaw-an nga sulod lang sa duha ka minutos mapuno na ang atong panimalay og toxic fumes gikan sa kayo. Kining maong fumes makamatay kun atong mahingos.

Kadaghanan sa mga nangamatay sa sunog nagumikan sa pagkahanggap nila og aso. Mao nga importante g’yud nga magplano daan og unsaon pagkaikyas gikan sa atong balay kun masunog.

Makatabang kini aron pagminos sa panic nga atong masinati panahon sa sunog. Kinahanglan nga isirado ang pultahan sa nasunog nga lawak ug isirado ang mga pultahan nga inyong malabyan sa imong pagawas. Makapahinay kini sa kayo.

Sa dili ka pa mo-open sa pultahan, feel it with the back of your hand to determine if the room behind it is burning.

Fumes ug ang hot air usually settle at the ceiling kon sa kisami. Kun ang aso baga na kaayo ug magpuot na sa lawak, the best air nga imong angayang mahanggab is usually one to two feet from the floor.

Kamang ka pagawas kun mahimo dunay wet piece of cloth nga imong itabon sa baba. Angayan nato’ng timan-an nga paspas kaayo ang pagkatap sa kayo labi na og ubanan kini og kusog nga hangin.

Maong kinahanglan nga magdali-dali kita pagawas. Mas maayo g’yud nga atong ibutang og usa ka bag ang atong mga importanteng dokumento aron sa panahon sa sunog dali ra nato kini’ng mabitbit.

Pasagdi na lang ninyo ang inyong uban nga kabtangan kay basin ma-trap kamo sa nasunog nga balay. Sa kataposan, never go back to your house unless a firefighter declares it is safe to do so.

Hinaut inyong hatagan og pagtagad ang mga pahimangno sa inyong kabomberohan aron makasiguro kita’ng luwas ug walay makalas nga kinabuhi sa panahon dunay sunog nga moigo sa inyong lugar.