Ang kinabuhi ug kamatayon

Ginaingon pa: "Life is not gauged on its length but on its width and depth." Kay mag-unsa man tuod kun taas ang imong kinabuhi apan nahimong wala’y pulos ug wala’y bili sanglit wala man nimo kini mapaambit sa uban. Ang Width ug Depth ang nipahinumdom kanato kun sa unsang paagi nato naimpluwensiya ang kinabuhi sa ubang mga tawo nga nalambigit kanato. Ning atong pagsaulog sa gasa sa kinabuhi pinaagi sa mga igsuon natong nangamatay, angay kitang mahigmata nga bisan pa man kun anaa ang kamatayon apan sa laing bahin, anaa usab ang kinabuhi. Ang Dios nagdapit kanato nga sa dili pa kita makig-atubang kaniya, himoon una natong magmabungahon ug makahuloganon ang atong kinabuhi dili ugma kondili karon gyung adlawa.