Cleansing diet (1)

Ang hinungdan sa sakit o balatian nga atong masinati, kasagaran mao kanang mga isulod o atong kaunon nga halos nagbaton og mga toksins o makahilong kemikals. Tungod niini, gikinahanglan nga kini makuha o malimpyohan pinaagi ra usab sa diyeta o kanang ginganlag  “cleansing diet”.

Kun sa unsang paagi nga kanunay kitang maglimpyo sa makitang hugaw o buling sa lawas, mao usab ang sulod sa lawas atong permi limpyohan.

Ang hingpit nga paglimpyo sa gawas o sulod sa lawas, maoy paglikay nga dili kita maproblema nga masakit. Inanay ra ba ning masinati kun luya na ang lawas.

Unsa bay proseso nga angay natong buhaton sa paglimpyo pinaagi sa “Cleansing Diet”? Kini mao ang pagkaon sa mga presko o lab-as nga prutas ug utanon, nga makapahinlo o makapakuha sa toksins sa lawas. Aron itagana ang lawas sa pagpagutom o “fasting”. Kun may mga gipamati nang mga sakit, ipadayon na usab ang “water fasting” o tubig na lang ang imnon.

Sa cleansing diet mao ni ang buhaton: Sa buntag (7am)-prutas lang ang kaunon (sama sa kapayas, pinya, ubas, mansanas, lomboy, strawberries, pakwan ug mga citrus sama sa kahel, orange, lemonsito, ubn pa). Sa udto (12 noon)-utanon lang ang kaonon (sama sa pipino, singkamas, carrots, letus, repolyo, petsay, ubn pa). Sa gabii (6pm)-prutas lang ang kaonon (sama sa guyabano, butong, saging, buongon, pakwan, mansanas, ubn pa).

Ayaw kalimot nga mahugasan gyud kini pag-ayo, aron matangtang basin may kemikals sa  insecticide nga anaa pa sa utanon o prutas. Busa paagasi’g maayo sa tubig. (May sumpay sa sunod isyu).