Insulto

Ang gihimo sa mga dinapit sa kombira sa kasal usa ka dakong insulto sa Hari. Ang nakapait kay ang uban sa nibalibad ang nahimong maamong amongon kanila nga sinugo. Butang nga nakapahaling sa kasuko sa Hari nga misugo nga pamatyon kining mga tawhana ug sunogon ang ilang siyudad. Ang pagbalibad nila nagpasabot nga dili bililhon ang tawo nga nagdapit kanila. Mas gipalabi pa nila ang ilang kaugalingong interest lamang. Ingon ini usab kita. Sa makadaghan atong gibalibaran ang pagdapit sa Dios kanato nga makigsalo kaniya sa iyang talad kan-anan. Usa kini ka insulto sa Dios nga mihatag sa tanan aron lamang kita makaambit sa maong mga panalangin. Sa laing bahin, ang tawo nga gipalagpot gikan sa kombira ang pahigmata sa mga Pariseo ug mga Magtutudlo sa Balaod nga nahimong exclusivist kaayo. Sa gingharian sa langit, dili lang kini mahitungod sa dress code kondili mahitungod kini sa proper disposition nga atong gihatag sa matag higayon nga ang Dios magdapit kanato nga makighiusa kaniya diha sa Eyukaristiya ug diha sa atong  kaigsuonan.