Pagsanta sa Alzheimers

Ang Alzheimers, usa kini ka matang sa sakit nga depektoso na ang panghunahuna, gumikan kay mawad-an na’g control sa pangisip o memorya.

Ang mga eksperto, di kaayo katumbok unsa gyuy nakaingon niini. Hinoon sa ilang pagtuki, adunay posibilidad nga sa sige’g hanggap sa toksin kemikals, sige’g inom og alcoholic nga ilimnon ug sa kanunay nabantang sa ‘cosmic-electro radiation’,  sama sa radar, transformers, communication towers ug mga phones

Hinoon aron pagsanta niining sakit nga Alzheimers, palig-unon nato sa nutrisyon ang pangutok aron dili dali mataptan niini. Sama sa pagkaong may;

*Vitamin B – Folate, Thiamin, B6 ug B12, maoy nagmintin sa level sa ‘Homocysteine’. Kun maghinubra sad makadaut pud. Busa mas maayo sa tanom (utanon/prutas) maoy kaunon, kay sa unod sa karne.

*Vitamin E – anaa sa utanon, mga liso o mani o nuts (sama sa sunflowers, wheatgerms, ug uban pa.)

*Beta-carotene- mopalig-on sa memorya, sumala sa pagtuon sa Unibersidad sa Ohio, makaayo kini sa pangutok, panghunahuna ug pangisip.

* Omega-3 – natural nga makuha gikan sa isda, sardinas o tuna, labi na nga kini tambok o ‘fatty fish’.

* Calcium – Importanteng minerals kini sa utok, makuha sa broccoli, cauliflowers, soya ug uban pa, nga moproteher sa kadaut sa memorya.

* Phycocianin – Usa kini sa kinalig-unang antioxidant sa utok nga naa lang makuha sa ‘potent natural Spirulina’ (Spirulina Filipina) diin kompleto usab kini sa mga nutreyens aron palig-unon ang imyun ug tanang sistima sa lawas.