Ang pampainit sa seks

Sumpay ni sa niaging isyu mahitungod sa mga pampainit sa seks. Ato nang gituki nga ang seks,  usahay may sitwasyon nga wa kita sa kondisyon sa pagseks. Nagkinahanglan ni og mga pagkaon nga makapainit. Ania ang laing mga pagkaon nga atong sulayan kun asa mas mosaler kini kanimo.

Red wine – kinsay di gusto niini? Sa surbey sa 800 ka babayeng nakainom niini, mas agresibo sa seks. Duha kabaso lang nga way alcohol kay kun manubra, agoy maluya na noon kay nahubog.

Chocolate – kanang 70% puro cacao. Ang ‘endorphins’ nga naprodyus sa ‘phenylethaylamine’ maoy nakapanindot batyagon og  ganado sa pagseks.

Ginseng – Dugay na ning gigamit sa mga intsek sa pagpalami ug paglahutay sa pagseks. Sa pagtuon sa Unibersidad sa Hawaii, mopalig-on kini sa libido ug pagtagbaw sa seks. Mao sad ni remedyo aron mobarug ang imoha.

Crab (kasag 0 alimango) – sama sa sisi o oyster, pwerte sad ni mopainit sa pakigseks. Tungod ni sa mineral nga zinc, nga naa ini isip pagpalig-on sa imong libido sa seks, nga mopadaghan sa ‘testosterone’ aron ka mas moinit.

Nuts (mani o ubang klase sama sa walnut, peanut uban pa) – nagbaton nig kinatas-ang amino acid nga ‘L-arginine’ sa lawas. Ang walnuts nga klase mao lamang ang may omega-3, nga mopadaghan sa bihod ug sa paglahutay.

Saffron – sa pagtuon nga napatik sa Food Research International, nadiskubrehan nga kining matang sa lamas nga gigamit sa pagluto ug isip usa ka pahumot (perfume), nakatabang ni sa pagpa-init o pagpukaw sa gana sa seks. Ang pagbalibod ini sa lechong manok, makasugnod na nig kainit sa kama.