Gusto ka nga magbombero?

Daghan ang nangutana kanako pinaagi sa mga lagda kabahin sa recruitment isip mga sakop sa Bureau of Fire Protection (BFP). Alang sa mga interesado’ng aplikante posible nga dunay recruitment karong buwana.

Busa andama na ninyo daan ang mga mosunod nga requirements aron sa panahon nga mopahibalo na ang kadagkoan sa BFP nga puwede na kamo maka-submit sa inyo’ng application folder, dili na kamo magkara-kara pa sa paghimo. Mao kini ang gikinahanglan.

Pagka Fire Officer-1. Application Letter, Handwritten Personal datasheet (CS Form 212 Revised 2005), 2.) Certificate of Eligibility/ Report of Rating (Authenticated by Civil Service Commission o sa Professional Regulations Commission), 3.) PRC ID CARD (Authenticated by PRC), 4.) Transcript of Records and Diploma (Authenticated by the School Registrar),

5.) Birth Certificate (Original copy by NSO), 6.) NSO-issued Married Certificate (sa babaye lang kon minyo), 7.) Barangay Certificate, 8.)  Mayor's Clearance, 9.) Municipal Trial Court Clearance, 10.) Regional Trial Court Clearance, 11.) Fiscal's Clearance, 12.) Police Clearance, 13.) ug NBI Clearance. Ang mao nga mga dukomento ibutang sa long sized folder ug sulatan og (PERTINENT PAPERS FOR FIRE OFFICER 1) unya ang ngalan sa aplikante sa ubos nga bahin sa folder.

Giawhag ‘usab ang mga aplikante pagsumiter og laing folder nga gibutangan og “certified true copy” sa mga orihinal nga dukomento. Unya kinahanglan usab ang certificate of waiver gikan sa OMA kon ang aplikante wala makaabot sa gilatid nga gitas-on.

Daghan kaayo ang requirements busa sugdi na ninyo kini pagkuha aron sa panahon nga manawat na og aplikante ang BFP andam na kamo sa pag-submit.

Kadtong makatuman sa pasiuna nga requirements mahimo’ng kwalipikado nga mukuha sa entrance exams sama sa IQ test, Neuro Psychiatric Exams, Drug Test ug agility test alang sa pagsukod sa pisikal nga kondisyon sa aplikante.

Atangi lang ninyo ang among announcement sa Facebook account BFP 7 PIS o ba kaha tawag kamo sa among opisina sa numero 2560553.