Krus
Ang krus alang sa tawhanong panlantaw simbolo sa kaulawan. Alang kanatong mga Kristohanon, ang Krus, simbolo sa kadaugan. Dili kita matawag nga mga Kristiyanos kon dili kita maantigo nga mohangop sa atong tagsa-tagsa ka mga krus. Kay unsa ba gud ang Krus?
1. Una, ato kining sabton ingon nga atong responsibilidad agig linugdangan sa atong gipili nga pagkinabuhi o commitment.
2. Ikaduha, ang krus sakripisyo. Matag commitment dunay tugbang nga pagsakripisyo. Anaa ang pag-antos natural lamang sa kinabuhi nga dunay pag-antos.
3. Ikatulo, ang gibug-aton sa krus wala mag-agad sa krus mismo kondili sa atong disposisyon sa matag higayon nga kita nakasinati og mga pagsulay. Kon anaa ang kalipay ug kalinaw, ang krus gaan. Kon anaa ang pagbagulbol ug kalagot, ang krus bug-at.
4. Ang krus dunay duha ka direksiyon. Ang horizontal ug vertical. Ang vertical direction nipahinumdom kanato sa atong kalambigitan ngadto sa Dios. Sa matag higayon nga kita mag-antos uban kanato ang Dios. Ang horizontal direction ang nipahinumdom sa atong kalambigitan ngadto sa uban. Nga bisan pa man kon tuod, anaa kitay mga problema ug mga kalisdanan kini dili babag o excuse sa atong pagpanginlabot sa mga suliran sa ubang mga tawo.
- Latest
