Suhulan sa Ampatuan?

Buong bansa’y nagtataka bakit kaya hanggang ngayon hindi pa rin natatapos ang paglitis

sa Ampatuan massacre?

Paglitis sa kasong ito matagal na’t limang taon

ang sibilya’t nasa media kay tagal nang nakabaon --

waring sila’y inip na rin at ang gusto ay magbangon!

Bakit kaya ang hustisya’y hindi pa rin nakakamit

ng naiwang mga anak, magulang kapatid?

Lumuluha na ng dugo sa dalita at hinagpis

nagsasayang  ng panahon at salaping gagabinlid

sa hearing sa tanging korte na sa kaso’y dumirinig!

Hanap nila ay hustisyang kay laon nang hinihintay

na kung buhay ang pinaslang may magandang

pamumuhay;

Ang pamilya’y di luluha mga anak nag-aaral

lalo na ang nasa media mas marami ang pinatay

na kung sila’y buhay ngayon kumikita nang marangal!

Ilan sila na naglaho at sa lupa ay nabaon?

Lahat sila’ ay nailibing na ni wala ng ataul;

Ang namuno sa pagpaslang may pera at mga

mansion

kaya itong mga suspect nililitis tinatanong

waring sila’y lalaya pa sa suhulan na umusbong?

Posibleng ang Ampatuan ang gumawa ng suhulan

upang sila ay maligtas sa ginawang kasalanan?

Milyo’t bilyong pera ang nakita sa listahan -

kaya pati mga lawyers ay umatras sa labanan

pagka’t suhol ng mapera hindi nila kailangan?

At ngayon ngang nabulgar na ang suhulang

nagaganap

bakit kaya ang gobyerno di gumawa ng marapat?

Pakilusin ang ahensiya na humakbang magsiyasat

para naman itong kaso magkaroon na ng wakas

at huwag nang hintayin pa ang eleks’yong

magaganap!